Diddú og Terem

Það er komin út ný plata með hinni ástsælu söngkonu Diddú. Í þetta skipti er hún í samstarfi við Rússneska Terem kvartettinn frá Pétursborg. Diddú sá Terem á íslensk rússneskri menningarhátíð sem haldin var hér á landi fyrir nokkrum árum. 

“Ég féll alveg fyrir þeim þegar ég sá þá. Svo var ég svo heppin að þeir féllu líka fyrir mér og þannig varð úr þetta frábæra samstarf,” segir Diddú. Þeir Terem félagar hafa marga fjöruna sopið í bransanum, spilað með fjölda listamanna, t.d. Stevie Wonder ofl. 

Platan inniheldur íslensk dægurlög eftir Sigfús Halldórsson, Freymóð Jóhannsson og Magnús Blöndal Jóhannsson auk laga eftir De Curtis og Nino Rota.