Draumaland - Svefn og svefnvenjur barna frá fæðingu til tveggja ára aldurs

Í Draumalandi leiðir Arna Skúladóttir okkur inn í heim barnsins og skoðar hann í ljósi svefnsins. Hún fjallar um hlutverk foreldra, leiðir að bættum svefnvenjum og hvernig hægt er að leysa svefnvandamál barna.

Svefn er ekki afmarkaður þáttur í lífi barna, heldur er hann samofinn hlutum eins og næringu, þroska og persónuleika. Í Draumalandi leiðir Arna Skúladóttir okkur inn í heim barnsins og skoðar hann í ljósi svefnsins. Hún fjallar um hlutverk foreldra, leiðir að bættum svefnvenjum og hvernig hægt er að leysa svefnvandamál barna.

Arna Skúladóttir er hjúkrunarfræðingur og sérfræðingur í barnahjúkrun með svefn og svefnvandamál sem undirsérgrein. Hún starfar á Barnaspítala Hringsins og hefur tekið á móti þúsundum barna og foreldra sem leitað hafa til hennar með margvísleg svefnvandamál og fyrirspurnir.

Þessi bók er skrifuðu fyrir uppalendur og aðra þá sem annast ung börn með
það í huga að veita hagnýtar leiðbeiningar sem reynst hafa vel við íslenskar
aðstæður.


Þessi bók er ómetanlegt leiðarljós um draumaland barnanna okkar. Hún svarar ekki
aðeins spurningum tengdum þeim krappa dansi sem óregla á svefni ungra barna getur verið. Hún svarar líka öllum spurningunum sem við höfum ekki hugrekki til að bera upp en þráum svörin við. Þetta er bókin sem ég hef beðið eftir.
Jóhanna Vigdís Hjaltadóttir, fjögurra barna móðir og fréttamaður

Í bókinni Draumaland miðlar Arna af gríðarmikilli reynslu sinni á svefnvenjum og svefnvandamálum barna. – Nauðsynleg bók fyrir uppalendur og fagfólk.
Ólafur Thorarensen, barnalæknir