Englar dauðans í kilju

Þrír grímuklæddir menn kveikja í amfetamínverksmiðju í Eistlandi og skilja eftir sig blóði drifna slóð - og krot sem minnir á rúnaletur. Í Hollandi finnast mannslík með rúnaristum. Þar eru Víkingur yfirlögregluþjónn og Þórhildur réttarlæknir, konan hans, að leita að Magnúsi sem er eiturlyfjaneytandi og sonur Þórhildar. Þau neyðast til að flýta heimför sinni því að í sumarbústað við Þingvallavatn finnast lík þriggja manna sem hafa verið myrtir á hryllilegan hátt. Í þessari æsispennandi sögu vefur Þráinn listilegan vef um heim fíknar og ofbeldis.