Fánýtur fróðleikur

Bill Wyman, bassaleikari The Rolling Stones, átti í ástarsambandi við fyrirsætuna Mandy Smith þegar hún var einungis 13 ára, með fullu samþykki móður hennar. Hann var þá 47 ára. Sex árum síðar giftust þau en skildu innan árs. Stuttu síðar giftist Stephan, sonur Bills, móður Mandyar. Var Stephan þá orðinn stjúpfaðir fyrrverandi stjúpmóður sinnar. Ef Bill og Mandy hefðu ekki skilið, hefði Stephan verið tengdafaðir föður síns og sinn eigin afi.

Þetta er aðeins einn af um 3.200 fróðleiksmolum sem fram koma í þessari bráðskemmtilegu bók.

Býrð þú yfir fánýtum fróðleik? Hvernig væri að gerast meðlimur í hinu íslenska félagi um fánýtan fróðleik og deila með öðrum þinni algjörlega gagnslausu vitneskju? Þú getur skráð þig hér á síðunni og þinn fánýti fróðleikur gæti komið í bókinni.