Fréttir

Út er komin fimmta sólóplata Orra Harðarsonar, Albúm. Platan geymir 10 glæný lög og texta, en samfélagsrýni er þar meira áberandi en á fyrri plötum Orra.

Albúm er annars sérstakt fyrir þær sakir að allur undirleikur á plötunni er
handspilaður... á einn og sama kassagítarinn, en um þessar mundir fagnar Orri þeim tímamótum að 25 ár eru liðin síðan að hann kom fyrst fram opinberlega, þá einn með kassagítar.

Fimm ár eru liðin síðan Orri sendi síðast frá sér plötu, en þá var hans
fjórða plata, Trú, tilnefnd sem „plata ársins“ á Íslensku
tónlistarverðlaununum. Sögur – útgáfa dreifir.

Albúm verður plata vikunnar á Rás 2 frá og með mánudeginum 6. september, en
fimmtudagskvöldið 9. september kl. 21:30 heldur Orri svo útgáfutónleika á Rosenberg við Klapparstíg.

Ef þið skráið ykkur í leik á Barnapressunni þá farið þið í pott og getið unnið inhverja af þessum þremur bókum:

• Meðgöngubókin
• DRAUMALAND - eftir Örnu Skúladóttur
• VEGANESTI - eftir Örnu Skúladóttur - kemur út 15. apríl 2010

Takið endilega þátt http://www.pressan.is/netklubbur

Loksins kemur út önnur bók eftir metsöluhöfundinn Örnu Skúladóttur. Arna gaf út bókina DRAUMALAND fyrir nokkrum árum síðan. Bókin hefur hjálpað þúsundum íslenskra fjölskyldna. Hún fjallar um hlutverk foreldra, leiðir að bættum svefnvenjum og hvernig hægt er að leysa svefnvandamál barna.

Bókin hefur verið prentuð þrisvar sinnum.

Í nýju bókinni, VEGANESTI, fjallar Arna t.d. um mat barna frá fæðingu til fjögurra ára aldurs. Samveru fjölskyldunnar og samspil næringu og svefns og ýmislegt fleira. Bókin kemur út þann 15. april nk.

More...

Meðgöngubókin er komin í verslanir og fær jákvæða umfjöllun í Barnapressunni:

http://www.pressan.is/Barnapressan/Lesa_Barnapressuna/loksins-god-bok-um-medgongu--og-allt-hitt-lika

More...

Sögur gefur út AFMÆLISDAGABÓK með stjörnuspám. Bókin kom fyrst út árið 1945. Í formála bókarinnar segir m.a:

"Bók þessi er, eins og allar bækur um stjörnuspeki, sem byggja aðeins eða mestmegnis á afstöðu sólar eða hreyfingu hennar í gegnum hin ýmsu merki dýrahringsins, séð frá jörðu, að ýmsu leyti mjög takmörkuð í lýsingum sínum.

Þeir, sem eru fæddir t.d. um hádegisbil, kannast við meira eða minna af lýsingum - einnig þeir, sem eru fæddir um sólarupprás. Aftur á móti er hætt við að þeir, sem eru fæddir á öðrum tímum sólarhringsins kannist við að mun minna í lýsingunni eða jafnvel ekki neitt. Þó gæti einstöku frásögn reynst að vera rétt hjá einum eða fleirum, sem fæddir eru á umræddum degi, en öðrum ekki, því megnið af öllum þeim afstöðum, sem koma til greina, þegar ár, dagur, stund og mínúta (sá raunverulegi fæðingartími) og hnattstöðu fæðingarstaðar er sleppt.

Jafnvel þó að svo sé, mun mörgum þykja gaman að þessari stjörnuspárfæðingardagbók og vilja eignast hana og nota.

10. mars 1945.

Jón Árnason, LMAFA

Ómissandi bók handa afmælis- eða fermingabarninu.

Bókin MYNDIR ÁRSINS 2009 PHOTGRAPHS OF THE YEAR er gefin út í tilefni af árlegri ljósmyndasýningu Blaðaljósmyndarafélags Íslands.

Árið 2009 var árið sem umheimurinn beindi sjónum sínum að Íslandi, þegar ólgan dundi yfir af yfirþyrmandi fjármálahruninu sem hófst í októbermánuði árið áður.

Bókin fangar vel ástandið í þjóðfélaginu á síðasta ári. Hún fangar einnig glæsilegt landslag landsins og fjölbreytileika mannlífsins frá degi til dags.

Sögur útgáfa gefur út bókina á íslensku og ensku í samvinnu við Blaðamannafélag Íslands. Bókina príða 174 blaðsíður af bestu ljósmyndum síðasta árs. Hér er um stórglæsilega bók að ræða.

Dómnefndin valdi úr 1294 myndum.

Sýning á verðlaunamyndunum hefst 6. mars í Gerðarsafni í Kópavogi.

More...

Hin geysivinsæla bók Örnu Skúlaóttur, Draumaland, er uppseld hjá útgáfunni.

Þriðja prentun af bókinni er væntanleg til okkar þann 1. mars næstkomandi. Í Draumalandi leiðir Arna Skúladóttir okkur inn í heim barnsins og skoðar hann í ljósi svefnsins. Hún fjallar um hlutverk foreldra, leiðir að bættum svefnvenjum og hvernig hægt er að leysa svefnvandamál barna.

Bókin hefur aðstoðað fjölda foreldra við að koma svefn barna sinna í lag.

Arna Skúladóttir er hjúkrunarfræðingur og sérfræðingur í barnahjúkrun með svefn og svefnvandamál sem undirsérgrein. Hún starfar á Barnaspítala Hringsins og hefur tekið á móti þúsundum barna og > foreldra sem leitað hafa til hennar með margvísleg svefnvandamál og fyrirspurnir.

Arna er að leggja lokahönd á sína aðra bók. Hún fjallar um mataræði barna frá 0-4 ára. Bókin kemur út i mars.

More...

 Meðgöngubókin, sem er metsölubók um víða veröld, er handbók fyrir  verðandi foreldra og umönnunaraðila ungra barna. Hún er skrifuð af teymi sérfærðinga; læknum, ljósmæðrum, ráðgjöfum og rannsakendum, undir handleiðslu barnalæknis. 

Bókin, sem er tæpar 400 bls. er afar vönduð, ríkulega myndskreytt og hún er staðfærð að íslenskum aðstæðum.

Meðgöngubókin:

• Gefur hagnýt og traust ráð varðandi allar hliðar meðgöngu og fæðingu.+
• Sýnir líkamlegan þroska barnsins í leginu viku fyrir viku og inniheldur myndir í raunstærð.
• Býr þig undir foreldrahlutverkið.
• Tekur á  tilfinningalegum íhugunarefnum og hvernig annars á nýburann og líkama þinn eftir fæðingu.
• Fjallar um  hvers konar umönnun þú þarft á meðgöngu.
• Tekur saman hvert þriggja mánaða tímabil meðgöngunnar sem hjálpar þér að fylgjast með mæðraverndinni á aðgengilegan hátt.

  Þýðandi bókarinnar er Edda Ýr Þórsdóttir hjúkrunar- og lýðheilsufræðingur sem starfar við ungbarnaeftirlit.

More...