Þögul nóttin

Felix Bergsson sendir hér frá sína fyrstu sólóplötu sem ber heitið Þögul nóttin. Á plötunni eru 11 lög, þar af 9 sem aldrei hafa heyrst áður, eftir marga af helstu lagahöfundum þjóðarinnar. Öll ljóðin eru eftir Pál Ólafsson (f. 1827) en bók með ástarljóðum hans, Ég skal kveða um eina þig alla mína daga, hefur náð gríðarlegum vinsældum. Lagahöfundar eru Jón Ólafsson, Magnús Þór Sigmundsson, Sveinbjörn Grétarsson, Tómas Hermannsson, Stefán Már Magnússon, Hörður Torfason og Hróðmar Ingi Sigurbjörnsson. Jón Ólafsson útsetti alla tónlistina og stjórnaði upptökum.