Reyndu aftur - ævisaga Magnúsar Eiríkssonar

Á glerhálum götum Reykjavíkur, kaldan janúardag, hefst óvenjuleg bílferð tveggja tónlistaráhugamanna. Ferðinni er heitið um æviveg Magnúsar Eiríkssonar. Á sjö þúsund kílómetra vegreið vítt og breitt um landið lýsir Magnús litríkri ævi sinni fyrir skrásetjara. Sólgleraugun eru skilin eftir heima. Hér fær nakinn sannleikurinn að njóta sín. – Frásagnir af poppinu, æskunni, ástinni, sorginni, sukkinu og fjölmörgum samferðamönnum.

Magnús hefur verið einn ástsælasti laga- og textasmiður íslensku þjóðarinnar í bráðum fjóra áratugi og eru hugarsmíðar hans fyrir löngu orðnar hluti af þjóðarsálinni.