Sigla Himinfley á DVD

Sigla Himinfley er ein vinsælasta sjónvarpsþáttaröð allra tíma og er nú komin út á DVD.

Þessir skemmtilegu sjónvarpsþættir Þráins Bertelssonar eru eitt vinsælasta íslenska sjónvarpsefni fyrr og síðar, en frumsýning þáttanna hlaut 68% áhorf á RÚV árið 1994.

Margir ástsælustu leikarar þjóðarinnar koma fram í þáttunum; Gísli Halldórsson, Steinunn Ólína Þorsteinsdóttir, Ingvar E. Sigurðsson, Rúrik Halldórsson, Gunnar Eyjólfsson og margir fleiri.

Þættirnir fjalla um útgerðarmann í Vestmannaeyjum og fjölskyldu hans, breytta tíma í útgerðinni og leit hans að leiðum til að bjarga fjölskyldufyrirtækinu.

Á þessum DVD disk eru 4 þættir sem eru alls 215 mínútur.