Veganesti - Frá fæðingu til fjögurra ára aldurs

Matur barna - Samvera fjölskyldunnar - Samspil næringar og svefns

Arna Skúladóttir barnahjúkrunarfræðingur hefur í áraraðir aðstoðað foreldra við að byggja upp öryggi þeirra og næmi við uppeldi barna. Hér býður hún upp á innihaldsríkt veganesti og varpar ljósi á fjölmargar hliðar foreldrahlutverks og veruleika barna í tengslum við mat.

„Lengi býr að fyrstu gerð. Samvera fjölskyldunnar er lykilatriði þegar lagður er grunnur að góðu mataruppeldi. Þessi bók er frábær leiðsögn á því ferðalagi og kennir allt um fyrstu mikilvægu skrefin.“ Jóhanna Vigdís Hjaltadóttir, fjögurra barna móðir og fréttamaður

„Veganesti svarar fjölmörgum brennandi spurningum um matarvenjur, næringu og tengsl þeirra við svefn og þroska ungra barna. –- Fróðleg og hagnýt bók bæði fyrir uppalendur og fagfólk .“ Ólafur Thorarensen, barnalæknir

Arna Skúladóttir er höfundur metsölubókarinnar Draumaland – Svefn og svefnvenjur barna frá fæðingu til tveggja ára aldurs.