Tove hefur starfað hjá sama forlaginu í sautján ár og unnið sig upp í stöðu útgáfustjóra. Þegar nýir eigendur taka óvænt við fyrirtækinu breytist allt. Í hita augnabliksins segir hún upp – og skyndilega er tilveran komin úr skorðum.
Sonurinn er fluttur að heiman, sorgin eftir andlát móður hennar er enn sár og í fyrsta sinn í langan tíma veit Tove ekki hvað framtíðin ber í skauti sér. Hún leitar skjóls í húsi móður sinnar í Arkösund, þar sem hún reynir að finna aftur fótfestu.
Á háaloftinu bíður hennar óvænt uppgötvun: gömul dagbók sem tilheyrði Märtu frænku hennar. Dagbókarfærslurnar leiða Tove aftur í tímann, til Ameríku í upphafi síðustu aldar, þar sem hörmulegur bruni markaði upphaf dularfullrar atburðarásar. Eftir því sem Tove kemst nær sannleikanum um örlög Märtu breytist sýn hennar á eigið líf.
Hrífandi skáldsaga um fjölskylduleyndarmál, missi og von – og hugrekkið sem þarf til að þora að velja nýja leið.
Urður Snædal íslenskaði.
Louise Strömberg er markþjálfi, jógakennari og rithöfundur. Hennar leiðarljós er að leiðbeina fólki um að lifa í sjálfbærni og af hjartans lyst – það gerir hún í gegnum bækur, fyrirlestra, instagram-síðu sína og jógatíma.

Aftur á bak – Herbert „Kóki“ Ólason, ævisaga
Hel
Sólon og Dimma Dúskur – Stjörnuslóðin
Ævintýri VÆB – Lita- og þrautabókin
Ævintýri VÆB – VÆB finnur taktinn
Dagbók Kidda klaufa 20 – Partýklúðrið
Íslensk óhamingja
Harðjaxlinn ljúfi – ævisaga Óla Þórðar
Skömmin var aldrei mín
Auðnar – engum líkur 