Borðum betur – fimm skref til langvarandi lífsstílsbreytinga

Í þessari hagnýtu og fróðlegu bók leiðir Rafn Franklín Johnson heilsuráðgjafi og þjálfari lesendur á markvissan hátt í gegnum fimm skref til að umbreyta mataræðinu og fullyrðir að það muni umbylta lífi þeirra og byggja upp langvarandi heilbrigði, auk þess sem markmið flestra um að vera í kjörþyngd sé sjálfgefin hliðarverkun þess.

Rafn hefur alla tíð verið heltekinn af mat og næringu en framan af ekki endilega á svo jákvæðan hátt. Heilsuferðalag hans hefur flutt hann úr hlutverki sófakartöflunnar á unglingsaldri, með viðkomu í kraftlyftingum og tilheyrandi magnáti, yfir í lífsstíl sem einkennist af öfgalausu, hreinu og hollu mataræði, jafnvægi og heilbrigði.

Á þeirri vegferð hefur Rafn viðað að sér yfirgripsmikilli þekkingu og sökkt sér ofan í rannsóknir í næringafræði auk þess að kynna sér mataræði mannsins í gegnum árþúsundin og hvað við getum lært af forfeðrum okkar. Þeirri þekkingu miðlar hann í þessari bók á einstaklega áhugaverðan hátt.

Girnilegar, heilnæmar uppskriftir fylgja.