Tilboð!
Add to Wishlist

Stiklur um undur Íslands

Höfundar: Friðþjófur Helgason, Ómar Ragnarsson

11.990 kr.

Útgáfutilboð og frí heimsending!

Ómar og Friðþjófur – stiklarar í 50 ár

Ómar Ragnarsson þarf vart að kynna fyrir þjóðinni, en vandfundinn er sá Íslendingur sem hefur verið eins mikið á ferð og flugi og hann. Í lofti, á láði og legi hefur hann ferðast um allt Ísland þvert og endilangt og fetað nær allar þær ótroðnu slóðir sem fyrirfinnast í náttúru landsins. Þau eru án vafa fá sem skilið hafa eftir sig spor jafn víða og Ómar okkar Ragnarsson.

Ómar á sér langan og glæstan feril sem fjölmiðlamaður og skemmtikraftur en þegar íslensk náttúra hefur átt undir högg að sækja stendur hann oftar en ekki fremstur í eldlínunni. Því skyldi engan hafa undrað að Dagur íslenskrar náttúru var stofnsettur 16. september árið 2011, á afmælisdegi Ómars, honum til heiðurs.

Friðþjófur Helgason á sér langan og blómlegan feril í ljósmyndun. Hann hefur unnið fyrir flesta prentmiðla hér heima og að auki getið sér gott orð sem kvikmyndatökumaður.

 

Flokkar: , ,

Í bókinni fá lesendur að feta í fótspor Ómars um fáförnustu slóðirnar, leynistaði sem Ómar hefur heimsótt og staði sem hann hefur sérstakt dálæti á. Við upplifum tilkomumikið landslag um stórbrotna dali, fallega fjarðarbotna og fjallahéruð sem landið hefur að geyma. Í leiðsögn Ómars og með augum ljósmyndarans Friðþjófs Helgasonar opnast okkur draumaveröld, þetta undraland sem Ísland óneitanlega er.