Þegar heimurinn fórst

5.490 kr.

Frí heimsending!

STEFÁN MÁNI (fæddur 3. júní 1970) hefur gefið út skáldsögur frá 1996 og fagnar nú þrjátíu ára rithöfundarafmæli.

Fyrsta bók hans, Dyrnar á Svörtufjöllum, gaf tóninn fyrir ferilinn, og Svartur á leik var tilnefnd til Glerlykilsins 2005. Kvikmyndin eftir bókinni (2012) varð ein sú vinsælasta á Íslandi.

Hann hefur fjórum sinnum hlotið Blóðdropann – oftast allra höfunda – og verk hans hafa ítrekað verið framlag Íslands til Glerlykilsins.

Persónan Hörður Grímsson hefur skipað sér sess meðal vinsælustu bókmenntapersóna landsins, og hafa þegar komið út þrettán bækur um hann.

Í þrjátíu ár hefur Stefán Máni sagt sögur sem sitja eftir. Með þrítugustu bókinni þökkum við fyrir ferðalagið – og hlökkum til framhaldsins.

Hún er að leita að Guði

Hann er djöfull í mannsmynd

Örlögin leiddu þau Míu og Tomma saman aðeins fáeinum klukkustundum áður en heimurinn fórst.

Þau eru jafnólík og dagur og nótt.

En þar sem það lítur út fyrir að þau séu einu eftirlifendur mannkyns verða þau að standa saman, hvort sem þeim líkar það betur eða verr.

Þau koma sér fyrir í stórri verslun í úthverfi stórborgar.

Í hönd fara dagar og vikur sem snúast um það eitt að lifa af í gjörbreyttum og hættulegum heimi.

Á meðan Tommi fer í langa leiðangra um draugslegar eyðilendur hinnar nýju heimsmyndar sankar Mía að sér fræðibókum og fer í ferðalag inn á við, í leit að svörum við þeim spurningum sem sækja á huga hennar.

Hver er tilgangur lífsins?

Er líf eftir dauðann?

Er Guð til?

Ef hann er til, hvar er hann?

Og hvað er hann?

Þegar heimurinn fórst

Innskráning